ზოგიერთი დეტალი მოგზაურობისას ვერაფრით კომპენსირდება და ნომრიდან ხედიც სწორედ მათ შორისაა. შეიძლება ოთახი კომფორტული იყოს, სერვისიც – უმაღლეს დონეზე, მაგრამ თუ ფანჯარა უბრალოდ შიდა ეზოს ან მეზობელ შენობას უყურებს, საბოლოო გამოცდილება ყოველთვის რაღაცით არასრული გამოდის.  რეზორტი ,,ყვარლის ტბა’’ სასტუმროს მთლიან კონცეფციას  ზუსტად ამ პრინციპზე აგებს.  აქ ტბის ხედით ნომერი დაპროექტებულია ზუსტად ისე, რომ სტუმარმა კახეთის ერთ-ერთი ყველაზე გამორჩეული პეიზაჟი ყოველდღიურად, პირდაპირ საკუთარი ოთახიდან იხილოს – დილით გაღვიძებისას, დღის განმავლობაში დასვენებისას თუ საღამოს მზის ჩასვლისას. 

ნომრის აივანზე გატარებული თითოეული წუთი კი არის მომენტი, როცა სტუმარი თავად ხდება იმ პანორამის ნაწილი, რომელსაც აქამდე მხოლოდ ფოტოებში ხედავდა. უფრო მეტიც, ის დღითიდღე ამჩნევს, როგორ იცვლება ტბის ფერი, როგორ ინაცვლებს მზის სხივები წყალზე და როგორ ხდება სასტუმროს ნომერი ამ ყველაფერზე დასაკვირვებლად საუკეთესო ადგილი.

ყვარლის ტბა: სასტუმრო, სადაც ტბის ხედით ნომერი ყველაზე მოთხოვნადია

ტბის ხედით ნომრებზე მოთხოვნა სეზონურად იცვლება. გაზაფხულის მიწურულსა და ზაფხულში, როდესაც კახეთის ბუნება ყველაზე მკვეთრ ფერებს იძენს, ხოლო საღამოები თბილი და ხანგრძლივია, სტუმრები ხშირად სწორედ იმ სივრცეებს ირჩევენ, საიდანაც გარემოს სრულად აღქმაა შესაძლებელი. ამ პერიოდში განსაკუთრებით ფასობს ნომრები, რომელთა ტერასიდანაც ტბის პანორამა იშლება.  

აქვე უნდა აღინიშნოს, რომ კახეთში და კერძოდ ყვარელში, თითოეულ სეზონს საკუთარი ხასიათი აქვს და სასტუმროშიც ამა თუ იმ ნომრის არჩევისას, ხშირად საბოლოო გადაწყვეტილება მაინც სტუმრის კონკრეტულ პრეფერენციებზეა დამოკიდებული. ზოგისთვის მთავარი ტბის ხედია, სხვებისთვის კი უფრო მშვიდი ატმოსფერო და ალაზნის ველის ჰორიზონტი.

ტბის ხედით ნომერი განსაკუთრებულ ინტერესს იწვევს მაშინაც, როცა მოგზაურობა კონკრეტულ ემოციას ან მნიშვნელოვან თარიღს უკავშირდება, იქნება ეს დაბადების დღე, ქორწილი თუ სხვა. ასეთ შემთხვევაში ფანჯრიდან გაშლილი პეიზაჟი იმ განწყობის ნაწილია, რომელიც სტუმარს მთელი ვიზიტის განმავლობაში ემოციურად ავსებს. 

ნომრები ყვარლის ტბაზე: როგორ შევარჩიოთ სწორად?

როგორც უკვე აღვნიშნეთ, ნომრის შერჩევა ხშირად იმაზეა დამოკიდებული, თუ როგორი გამოცდილება სურს თავად სტუმარს მოგზაურობისას. მათთვის, ვინც მშვიდ და კომფორტულ გარემოს ეძებს, სტანდარტული და სუპერიორი ნომრები შეიძლება შესაფერისი არჩევანი იყოს. ორივე ტიპის ნომერი ქართულ კორპუსშია განთავსებული და სტუმარს საშუალებას აძლევს, დღის დიდი ნაწილი ტბის მიმდებარედ ან ბუნებაში გაატაროს.

უფრო ფართო სივრცისა და დამატებითი კომფორტის მსურველებისთვის ევროპულ კორპუსში არსებული ნომრები სრულიად განსხვავებულ შესაძლებლობებს ქმნის. დელუქსის ტიპი განსაკუთრებით მოსახერხებელია წყვილებისა და ოჯახებისთვის, ხოლო ტერასიანი სუიტი იმ სტუმრებისთვისაა განკუთვნილი, ვისაც პირადი გარე სივრცე სურს.

რეზორტი სტუმრებს ჯუნიორ სუიტსა და საპრეზიდენტო ნომერსაც სთავაზობს. ამ ტიპის ნომრები დანარჩენებისგან განსხვავდება ფართო სივრცით, ინტერიერის გამორჩეული დეტალებითა და ხედებით, რომლებიც საერთო გამოცდილებას განუმეორებელს ხდის.

სწორი არჩევანისთვის მნიშვნელოვანია წინასწარ განისაზღვროს, რა არის სტუმრის მთავარი პრიორიტეტი – ტბის პანორამა, ალაზნის ველის ხედი თუ ტყით გარშემორტყმული მშვიდი გარემო. სწორედ ამაზეა დამოკიდებული, რომელი კორპუსი და ნომრის რომელი ტიპი იქნება ყველაზე მეტად შესაფერისი კონკრეტული დამსვენებლისთვის.

ყვარლის ტბა: სასტუმრო მათთვის, ვისთვისაც დეტალებიც მნიშვნელოვანია

ხედი მხოლოდ ერთი ნაწილია იმ გამოცდილების, რომელსაც რეზორტი „ყვარლის ტბა’’ სტუმრებს სთავაზობს. აქ დღის განმავლობაში შესაძლებელია დროის სხვადასხვა აქტივობით გაყვანა, საღამოს კი სპა პროცედურების ჩატარება. 

არჩევანი მრავალფეროვანია კვების მიმართულებითაც – სტუმრებს შეუძლიათ დააგემოვნონ კერძები როგორც ქართული, ისე ევროპული მენიუდან. 

აქვე, ვისაც კახეთში მოგზაურობა დაგეგმილი აქვს ან ტბის ხედით ნომრის დაჯავშნა სურს, სასურველია წინასწარ გაეცნოს ხელმისაწვდომ ვარიანტებს, განსაკუთრებით დატვირთული სეზონის პერიოდში, როდესაც კონკრეტული ტიპის ნომრებზე მოთხოვნა იზრდება. ყვარლის ტბის გუნდი მზად არის, დაეხმაროს სტუმრებს მათთვის შესაფერისი ნომრისა და მომსახურების შერჩევაში – ამისთვის საკმარისია მითითებულ ნომერზე დაკავშირება – 577 11 07 15 ან 032 2 305 090.